《瑞典南部都睇到極光既極光》

如果人同你講極光唔好睇,請同我掉佢落山。

話說前幾日無啦啦上網話有極光,我心諗,舊年我天寒地凍去到瑞典北部都睇唔到,你同我講走出街就有得睇?點知個個話睇到不止仲有圖有真相,嚇到我即刻熊貓.jpg,著件衫拎部相機就衝左出街。

北歐既森林仲多過seven eleven,梗有一間起左近,由於太想見到極光既緣故我一野就跑左入森林,入到深處先醒起其實睇完好似要搵路返出去。Anyway 我知極光會起北邊開始出現,望住北斗七星我就跑啊跑,最後跑到一個冇人冇燈湖邊。心諗,呢個spot除左可能無啦啦有隻狼走出來或者有人來打劫之外,都冇咩缺點,今次仲唔俾我睇到。

呢啲就叫Fifty Shades of Grey
呢啲就叫Fifty Shades of Grey

原來睇極光就同捉鬼就差唔多,未去到咒怨加椰子既級數肉眼都睇唔係好到,呢個時侯用相機一影,就會發現都唔知係唔係既綠色野。等左成半粒鐘,終於好似有少少野,但我都分唔到係唔係幻覺,自己諗多左。相機一影,果然又係,不過肉眼睇就真係綠乜鬼色,fifty shades of greys 就有佢份。朋友起第二度睇:「我睇到極光啊,不過唔係極光囉」。我心諗,究竟係唔係極光既北極光定係極光既非北極光呢,好難捉摸啊。算啦,極光同女神一樣,這輩子都不會有緣架啦。

但眼見身邊咁多勵志故事,等媽媽改嫁都等到做機師,我決定(搵朋友一齊)等落去。 等左陣,無啦啦前面一塊堍綠色飛出來,世界末日咁款,嚇到我鼻哥翁都冇綠!基督徒應該終於搵到上帝存在既證明,因為擺名係有人一筆一筆起天幕度畫畫!極光最好睇就係睇佢浮現消失,有如鬼魅既綠色畫布起天空中飄抑!_! 點解冇人話我知極光真係咁好睇?而再過一陣,個天突然有幾條綠色既蛇起北斗七星旁蜿蜒溜過,我最期待的畫面出現了!

北斗七星旁蜿蜒的綠蛇
北斗七星旁蜿蜒的綠蛇

驚喜一浪接一浪,每當我諗住走,都會有新一波。最後,北斗旁居然穿左窿倒瀉左顏料咁款,翡翠綠仲伴住緋紅進場,沿住天球放射開去!聽講紅色極光係最罕有!我果刻真係覺得人生充滿希望,好似無啦啦起天到跌左個女朋友俾我咁!極光真係好好睇,如果你叫我揀極光定女朋友,我一定揀女朋友!

有圖有真相!紫紅色極光!
有圖有真相!紫紅色極光!
襯上遠處的小鎮倒是更美麗
襯上遠處的小鎮倒是更美麗
落雨淋落來咁...
落雨淋落來咁…
極光已強到在城市燈光上都能清楚看到
極光已強到在城市燈光上都能清楚看到

Leave a Reply

Your email address will not be published.

This site uses Akismet to reduce spam. Learn how your comment data is processed.

圖像裡可能有食物北歐心科學專頁
免費訂閱本網頁
獲得科學、文化、政治專欄的最新消息
保持聯繫,對抗面書禁言演算法

也可捐款支持本專頁.謝謝!

私隱條款

你已成功訂閱,多謝支持!

程序有誤,請重新嘗試。

北歐心科學 Nordic Hearts will use the information you provide on this form to be in touch with you and to provide updates and marketing.